【減完肥又反彈】

「靠運動同飲食減肥會反彈嗎？係咪做到有效果就唔洗再做？」

放心，如果你見自己瘦左或者大隻左（視乎你目標）就回復以前嘅生活模式，係絕對會反彈！係你覺得健身冇用之前，或者可以諗下點解你覺得唔會反彈？長期唔飲水會口乾、唔剪頭髮會變長、耐冇洗牙都會有牙石啦。身體上有幾多野係可以一勞永逸？可能只有割雙眼皮、隆鼻呢啲人工野先係永恆（或者都唔係）。

可能只有割雙眼皮、隆鼻呢啲人工野先係永恆

我相信唔需要太多篇幅去解釋點解會反彈，大家應有足夠認知。不過對於總有傾向相信童話嘅朋友，我簡單解釋一下。

「用進廢退」係訓練嘅基本原則。用得多、訓練得多，肌肉自然發達、強壯。到你唔用嘅時候，身體會知道你冇需要肌肉嘅強度同質量，咁自然就會流失。所以好多時癱瘓嘅病人都有肌肉委縮嘅問題。身體比你想像中聰明，會懂得作出適當調整去配合你嘅生活。跑得多會快、搬得野多會大力、什至隻手會起繭去保護你，就連病多兩次都有抗體。所以你做嘅每一件事都係同緊個身體講你想佢點反應。

「用進廢退」係訓練嘅基本原則

我諗呢篇文最好嘅消息就係研究顯示，曾經接受重力訓練嘅人比素人嘅肌肉係會重新適應得效快。亦都係好多人所講嘅「肌肉係有記憶」。所以因為各個原因（傷患、外遊、冇時間）而有段時間做唔到gym嘅你都唔洗太擔心。

曾經接受重力訓練嘅人比素人嘅肌肉係會重新適應得效快

咁嘅然你從一開始已經想用天然方法去減肥，又點解唔將佢融入你嘅生活呢？一星期花一兩日，半個鐘九個字係健身房（或者其他運動），唔係比玩電話更有意義咩？始終，身體會係你一世最值得嘅投資。

Youtube Channel: CalvinGor 

Instagram: CalvinGorHK 

Facebook: Calvin Gor

Email: shuping463@gmail.com

圖片來源：

www.pexels.com