【5個飲食小改變，大效果】
１）飲水
多飲水絕對絕對係減肥嘅關鍵。正如我係【減肥101：飲食篇】提過，飲多啲水除左可以幫身體排走儲存多餘嘅水份（唔係唔飲水先唔會水腫），仲可以增加飽肚感（食少啲野）、加速肌肉復原、幫助消化，皮膚都會好啲。
唔只女人係水做，男人都係
飲幾多先夠呢，大家可以同以下呢個公式計下，如果以減肥為目標的話自己要飲幾多杯水。體重（公斤）X 40（毫升）÷ 250（毫升）= 每日建議飲用量（杯）
飲水時機：
記住每朝起身第一件事就係飲一至兩杯水。身體經過咁多個鐘嘅睡覺之後係非常雖要補充水份。
食飯前亦可以飲一杯水以增加飽肚感，美食當前，可避免食得過量。
做運動前補充足夠水份可以提升表現
做運動前一至兩小時補充足夠水份，除左可以提升運動表現（肌肉嘅主要成份係水），仲可以防止抽筋。２）蔬菜
多食蔬菜對我地好係人都知。但點解佢對減肥咁有幫助呢。除左低卡、體積大（增加飽肚感）之外，我地唔係草食性動物，無法將佢嘅纖維消化。所以食多菜會覺得飽，但吸收到嘅能量相對少。點先可以無痛食菜呢？可以係煲飯時加入菜粒，整成菜飯咁就不知不覺食多左菜啦。又或者我自己係減磅其間會將我平時食開嘅飯碗嘅３至４成先放菜，然後先裝飯。
煲飯時加入菜粒，無痛食菜
３）減肥先減糖碳水化合物當中，糖可以話係最可惡。升糖指數高、令血糖不穩定、卡路里與體積比例高。可以話係萬惡之首。最可惡係糖唔會比你太多飽肚感，令你不知不覺食多左好多卡路里而不自知（有冇人試過食食下就食哂一筒能得利？）。
要做到無痛減糖，其實唔係想像中咁難。
糖可以話係萬惡之首
第一， 食飯時叫飲品由少甜開始。去飲品自己落糖嘅食肆，落到糖至僅僅夠甜就已經好足夠。唔好人地比幾多你就落幾多。第二， 出街口渴時，不妨買樽裝茶，而非樽裝檸檬茶或汽水。
第三， 唔好留肚食甜品。既然甜野係百害而無一利，何必要為佢留肚呢？食完正餐，多飲水，真係有位置比甜品先再淺嘗啦。
食完正餐，多飲水，真係有位置比甜品先再淺嘗啦。
無人天生唔喜歡甜野，我地基因內已經注定我地會喜歡呢顃熱量高嘅食物，以儲存能量、令物種得以保全。但千百年後嘅今日，大部分人已經唔需要呢個本能。其實好多時嗜甜只係習慣，如果你長時間減少對佢嘅依賴，減肥就自然事半功倍。４）進食次序由於我地肚嘅位置有限，如果想減肥的話進食次序變得相當重要。
蔬菜＞肉類＞澱粉類＞甜品
蔬菜內嘅纖維可以促進腸臟蠕動之餘可增加飽肚感。
蛋白質攝取對減肥中人士相當重要，以免肌肉流失。
澱粉類（飯、麵、薯仔等）可補充剩餘之卡路里需求，亦可添飽。
甜品放最後，盡量不食。
蛋白質攝取對減肥中人士相當重要，以免肌肉流失。
５）走汁／汁另上汁撈飯當然正，但好多時伴碟的黑椒汁、忌廉汁等等都只係澱粉同脂肪嘅混合物。卡路里高之餘亦會因為太好餸飯而令你食多左飯。雙重壞處！所以走汁，或至少汁另上都可以令你進食較少卡路里。
伴碟的黑椒汁、忌廉汁等等卡路里高之餘亦會令你食多左飯。
習慣成自然。如果能習慣以上呢５個小改變，不知不覺中身型一定有改善！
Youtube Channel: CalvinGor
Instagram: CalvinGorHK
Facebook: Calvin Gor
Email: shuping463@gmail.com
圖片來源：
www.pexels.com
池記
池記
留言
張貼留言